ნაპა ველიზე მოყვანილი კაბერნეა, კლასიკური კალიფორნიული კაბერნე, მონდავის ღვინის საწარმოს ნაწარმი. კუნთებიანი, ძლიერი, თავის დროზე ძალიან მოდური ღვინო იყო (90–იანებში, 2000–იანების დასაწყისში). ეს 2010 წლის ვინტაჟის კაბერნეც ძალიან ძლიერია (14,5%). ღრმა და ინტენსიური შეფერვის ღვინოა, მუქი ალუბლისფერი, შავი ბლისა და ალუბლის ჩირის ძლიერი ტონებით. მაღალჟავიანი, ძალიან სხეულიანი, მაღალტანინიანი ღვინოა. მუხის კვალიც ჩნდება გემოში, თუმცა ზომიერად და დაბალანსებულად, განსხვავებით რამდენიმე წლისწინანდელი მონდავის კაბერნესგან. საუკეთესო მისაყოლებელი იქნება სტეიკებთან. დალევამდე აუცილებლად ასუნთქეთ, დროთა განმავლობაში უფრო საინტერესო გახდება ღვინო.

© ღვინის კლუბი/vinoge.com