ბრიტანელი მეცნიერები იუწყებიან, რომ ნაერთი რეზვერატროლი, რომელიც უხვად არის წითელ ღვინოში, თვალის კუნთის დაბერებას აფერხებს. წითელი ღვინის მიღება სასარგებლოა მხედველობისთვის და თვალის სხვადასხვა დაავადებების განვითარებას უშლის ხელს. გარდა ამისა, რესვერატროლი ამცირებს თვალზე სისხლძარღვების წარმოქმნის საფრთხეს, რაც ხშირად, მხედველობის დაქვეითების მიზეზი ხდება. ცხადია, მხოლოდ წითელი ღვინით ვერ შეინარჩუნებთ საღ მხედველობას. ამიტომ მეცნიერები გვირჩევენ, ღვინოსთან ერთად მივირთვათ ფოთლოვანი მწვანე ბოსტნეული – კომბოსტო, ბროკოლი, ისპანახი, რადგან ისინი დიდი რაოდენობით შეიცავენ მხედველობისათვის საჭირო ნივთიერებას, ლუტეინს. ასევე ძალიან სასარგებლოა ყვითელ-სტაფილოსფერი შეფერილობის ხილი და ბოსტნეული – მანდარინი, ფორთოხალი, ყვითელი სიმინდი და სტაფილოსფერი ტკბილი წიწაკა.
© ღვინის კლუბი /Weekend