საჭირო მასალა: 900 გ ტყის სოკო, 1 თავი ხახვი, 1 ცალი სტაფილო, 4 ს.კ. ზეთი, 2 ბულგარული წიწაკა, 2 ს.კ. ტომატის პასტა, 3 ს.კ. არაჟანი, 1 კონა კამა და ოხრახუში.
მომზადება: მარილწყალში მოვხარშოთ სოკო. სტაფილო და ხახვი დავჭრათ მოგრძო წვრილ ნაჭრებად და ზეთში მოვშუშოთ. დავუმატოთ დაჭრილი წიწაკა, 7 წუთის შემდეგ ტომატის პასტა და ამოვურიოთ. დავუმატოთ დაჭრილი სოკო და ვშუშოთ თავდახურული 25 წუთის განმავლობაში, პერიოდულად მოვურიოთ. დავუმატოთ არაჟანი და 5 წუთის შემდეგ დაჭრილი მწვანილი. როცა წამოდუღდება, გადმოვდგათ ცეცხლიდან.
© ღვინის კლუბი /Weekend