44.00 ლარი
ბოლო მოსავლის ჩინური ყველაზე მაღალალკოჰოლური გამოუვიდა იაგო ბიტარიშვილს (14%). იგი უკვე რამდენიმე წელია ჭაჭაზე და კლერტზე აყენებს ჩინურს, ტრადიციული მეთოდით, ქვევრში. ღვინოს ძალიან სასიამოვნო გარეგნობა აქვს, ოქროსფერია, სურნელში თავიდანვე იგრძნობთ კვამლის მცირე ნოტებს, რომელსაც მსხლის ჩირისა და მცირე ფორთოხლის ცედრის ტონები მოსდევს. ძალზე სასიამოვნო, გემრიელი ტანინებით ხასიათდება. ასევე გამოვარჩევდი საფეხუროვან, ხანგრძლივ დაბოლოებას. 2012 წლის ჩარდახის ჩინური საკმაოდ განსხვავდება იმავე მწარმოებლის წინა ღვინოებისგან.
© ღვინის კლუბი/Weekend