გამომცხვარი ქათამი პამიდვრითა და წიწაკით

საჭირო მასალა: 1 თავი ხახვი, 1 კბილი ნიორი, 2 ცალი დიდი, ტკბილი წითელი წიწაკა, 4 ნაჭერი (500 გ) ქათმის ფილე, 1 ს.კ. ზეთი, 370 გ ბოსტნეულის ხიზილალა (წიწაკის, ბადრიჯნის და ა.შ.), 150 გ გრძელი ბრინჯი, 100 გ ფეტა, 2-3 ღერი ოხრახუში, მარილი, წიწაკა – გემოვნებით

მომზადება: ხახვი და ნიორი წვრილად დავჭრათ. წიწაკა საშუალო ზომის ნაჭრებად დავჭრათ. ხორცს მოვაყაროთ მარილი და წიწაკა.  ტაფაზე გავაცხელოთ ზეთი, დავაწყოთ ზედ ქათმის ფილე და თითო მხარეზე 2-3 წუთის განმავლობაში შევწვათ. ხორცი ამოვიღოთ, ამავე ცხიმში ჩავყაროთ დაჭრილი ხახვი და ნიორი. 3 წუთში დავუმატოთ ბოსტნეულის ხიზილალა, შევანელოთ მარილითა და წიწაკით. ბრინჯი ჩავყაროთ 300 მლ მდუღარე მარილიან წყალში და თავდახურული ვხარშოთ დაბალ ცეცხლზე 20 წუთის განმავლობაში. სოუსის 2/3 საცხობ ფორმაში მოვათავსოთ, ზედ დავაწყოთ ქათმის ფილეს ნაჭრები და ზემოდან დანარჩენი სოუსი გადავანაწილოთ. თავზე მოვაყაროთ დაფხვნილი ყველი და 200 გრადუსზე გახურებულ ღუმელში 20 წუთის განმავლობაში ვაცხოთ. მზა კერძს მოვაყაროთ ოხრახუში და სუფრაზე ბრინჯთან ერთად მივიტანოთ.

© ღვინის კლუბი/Weekend