საჭირო მასალა: 250 გ სხვადასხვა სახეობის ახალი სოკო, 1 თავი ხახვი, 1 კბილი ნიორი, 2 ს.კ. თხილი, 2 ს.კ. ზეთი, 100 მლ თეთრი მშრალი ღვინო, 200 მლ ბოსტნეულის ბულიონი, 300 გ დაჭრილი პამიდორი, რეჰანი (ნედლი თუ არა გვაქვს, ხმელი გამოვიყენოთ), მარილი, წიწაკა – გემოვნებით.
მომზადება: სოკო მსხვილად, ხოლო ნიორი და ხახვი წვრილად დავჭრათ. თხილი მსხვილად დავფქვათ. ტაფაზე გავაცხელოთ ზეთი, დავუმატოთ სოკო და შევწვათ. დავაყაროთ მარილი, ხახვი, ნიორი, თხილი და 1-2 წუთი ვშუშოთ. დავასხათ ბოსტნეულის ბულიონი და ღვინო, დავუმატოთ პამიდორი და დაბალ ტემპერატურაზე 2-3 წუთი ვადუღოთ. დავაყაროთ მარილი, წიწაკა და რეჰანი.
© ღვინის კლუბი/Weekend