საჭირო მასალა: 250 გ მოხარშული კარტოფილი, 4 ღერი ოხრახუში, 200 გ ქათმის ფილე, 1 ტოტი როზმარინი, 4 ცალი პამიდორი, 1 ს.კ. ზეითუნის ზეთი, 100 მლ თეთრი მშრალი ღვინო, მარილი, წიწაკა
მომზადება: კარტოფილი მსხვილ კუბებად დავჭრათ. ქათმის ფილე ორად გავჭრათ, მოვაყაროთ მარილი, წიწაკა და დაკეპილ ოხრახუშში ამოვავლოთ. პამიდვრები ოთხად გავჭრათ და თესლი ამოვაცალოთ. კარტოფილი და პამიდორი ავურიოთ, მოვაყაროთ მარილი და წიწაკა. გამოსაცხობ პაკეტში ან ფოლგაში მოვათავსოთ ბოსტნეული, ქათმის ხორცი და ზემოდან დავადოთ როზმარინის ტოტი, კარგად შევკრათ და 180 გრადუსზე გახურებულ ღუმელში დაახლოებით 25 წუთი ვაცხოთ.
© ღვინის კლუბი/Weekend