საჭირო მასალა: 1 თავი ხახვი, 350 გ კარტოფილი, 200 გ დაკონსერვებული სიმინდი, 1 კონა მწვანე ხახვი, 2 ს.კ. კარაქი, 2 ს.კ. სიმინდის ფქვილი, 100 მლ თეთრი მშრალი ღვინო, 500 მლ ბოსტნეულის ბულიონი, 200 მლ რძე, მარილი, პილპილი და ჯავზი – გემოვნებით.
მომზადება: ხახვი წვრილად, კარტოფილი – პატარა კუბებად დავჭრათ. სიმინდის კონსერვი გადავწუროთ. წვრილად დავჭრათ მწვანე ხახვი. ქვაბში გავადნოთ კარაქი, დავუმატოთ ხახვი და 1-2 წუთი ვშუშოთ, დავუმატოთ კარტოფილის 2/3 და 2-3 წუთის განმავლობაში ვშუშოთ. მოვაყაროთ ფქვილი და ამოვურიოთ. დავასხათ ღვინო, ბოსტნეულის ბულიონი და 15 წუთის განმავლობაში საშუალო ტემპერატუაზე ვადუღოთ. წვნიანი ბლენდერით ავთქვიფოთ. დავუმატოთ რძე, დანარჩენი კარტოფილი, სიმინდი, მწვანე ხახვი, სანელებლები და ვხარშოთ, სანამ კარტოფილი არ მოიხარშება.
© ღვინის კლუბი/Weekend