საჭირო მასალა: 75 გ თხილი, 1 კონა მწვანე ხახვი, 100 გ ზეთში ჩადებული პამიდვრის ჩირი, 800 გ ახალი ყველი, 2 ს.კ. ტომატპასტა, 7 თხელი ფირფიტა ყველი გაუდა, მარილი, თეთრი პილპილი და პაპრიკა – გემოვნებით, პამიდორი ჩერი – გასაფორმებლად.
მომზადება: თხილი მსხვილად დავფქვათ და მოვხალოთ. რამდენიმე ღერი მწვანე ხახვი შევინახოთ გასაფორმებლად, დანარჩენი წვრილად დავჭრათ. პამიდვრის ჩირი წვრილად დავჭრათ. ახალი ყველის ნახევარში ავურიოთ მწვანე ხახვი, მეორეში - თხილი და პამიდვრის ჩირი, ორივე მასას გავუწყოთ მარილი და პილპილი. ავიღოთ მოგრძო ფორმა (1 ლ ტევადობის), ჩავფინოთ ცელოფანი ისე, რომ გვერდებზე გადავიდეს. შიგ ჩავაწყოთ გაუდას ნაჭრები ისე, რომ კიდეებზეც ამოვიდეს, ზედ გადავანაწილოთ ყველისა და მწვანე ხახვის მასა და დავაფინოთ გაუდას ნაჭრები. ყველის ფირფიტებზე მეორე ფენად მოვათავსოთ თხილისა და ყველის მასა. გვერდებიდან გადმოვაფინოთ ცელოფანი და კარგად შევკრათ. ტერინი მინიმუმ 2,5 საათის განმავლობაში გავაცივოთ მაცივარში, შემდეგ გავხსნათ, ფრთხილად გადმოვიღოთ ფორმიდან, მოვაყაროთ პაპრიკა და მოვრთოთ დაჭრილი ჩერითა და მწვანე ხახვით.
© ღვინის კლუბი/Weekend