საჭირო მასალა: 300 გ მწვანე ლობიო, 600 გ ახალი კარტოფილი, 4 ღერი მწვანე ხახვი, 1 კონა ოხრახუში, 2 ძირი კამა, 2 ს.კ. ზეთი, 1 მწიფე ავოკადო, 1 ლიმონის წვენი, ახალდაფქული კამისა და ქინძის თესლი, მარილი, პილპილი – გემოვნებით.
მომზადება: მწვანე ლობიო 45 წუთის განმავლობაში მარილიან მდუღარე წყალში მოვხარშოთ, გადავწუროთ და ცივი წყალი გადავავლოთ. კარტოფილი ჯაგრისის საშუალებით ძალიან კარგად გავრეცხოთ გამდინარე წყალში, დავჭრათ მსხვილად. გავრეცხოთ და დავჭრათ მწვანე ხახვი, კამა და ოხრახუში. ზეთში შევბრაწოთ კარტოფილი. დავაყაროთ ნახევარი ოხრახუში და მწვანე ხახვი, მოვაფრქვიოთ პილპილი და მარილი. დავუმატოთ კამის ძირები და განვაგრძოთ მზადება. 2-3 წუთში დავუმატოთ მწვანე ლობიო, დარჩენილი მწვანე ხახვი და ოხრახუში. ავოკადოს ამოვაცალოთ კურკა, გავფცქვნათ და თხლად დავჭრათ. გადავანაწილოთ ბოსტნეულზე, მოვაწუროთ ლიმონი და ცოტა მარილი მოვაყაროთ. კერძი გადმოვდგათ ცეცხლიდან.
© ღვინის კლუბი/Weekend
