მექსიკელმა დიზაინერმა ფერნანდო ლაპოსემ შაქრისა და წყლისგან შექმნა უჩვეულო ბოკლები -Sugar Glass, რომელთა შეჭმაც, გამოყენების შემდეგ, თავისუფლად შეიძლება. ბოკლებისთვის სხვადასხვა ფერის მისაცემად დიზაინერი ორგანულ საღებავებს იყენებს. ბოკლები ფორმებითაც განსხვავდება ერთმანეთისგან და რეკომენდებულია სხვადასხვა სასმლისთვის, თუმცა თავად დიზაინერი გვირჩევს, ისინი კოქტეილებისა და ნაყინის დასაგემოვნებლად გამოვიყენოთ. ლაპოსეს მთავარი ამოცანა იყო ბოკლების შენახვის ვადის გაზრდა, რასაც მან სპეციალური შეფუთვის წყალობით მიაღწია. მისი ბოკლები სინესტისგან მაქსიმალურად დაცულ შეფუთვაშია მოთავსებული, რის შედეგადაც მათი შენახვა და გამოყენება 6 კვირის განმავლობაშია შესაძლებელი.
© ღვინის კლუბი/Weekend