საჭირო მასალა: 400 გ ოსპი, 2 ჭიქა გრძელი ბრინჯი, 400 გ ცხვრის ან საქონლის ფარში, 100 გ უკურკო ფინიკი, 120 გ ქიშმიში, 0,5 ჩ.კ. ზაფრანა, 2 თავი ხახვი, კარაქი, მარილი, პილპილი – გემოვნებით.
მომზადება: ბრინჯი 3-4 საათის განმავლობაში დავალბოთ წყალში, შემდეგ 10-15 წუთი მარილიან ცხელ წყალში ვხარშოთ, სანამ არ მომზადდება. ცალკე მარილიან წყალში მოვხარშოთ ოსპი. ხახვი დავჭრათ ალყა-ალყა და მოვშუშოთ კარაქში, დავუმატოთ ფარში, შევანელოთ მარილითა და პილპილით, ვშუშოთ 10 წუთის განმავლობაში, შემდეგ დავასხათ 1 ჭიქა ცხელი წყალი და ვხარშოთ, სანამ წვენს არ შეიწოვს. ქვაბში ჩავასხათ 0,5 ჭიქა წყალი, დავუმატოთ კარაქი და შიგ ფენა-ფენა ჩავყაროთ ბრინჯი, ოსპი, ხორცის ფარში, ქიშმიში და ფინიკი. ბოლოს კვლავ ბრინჯი დავაყაროთ და დაბალ ცეცხლზე თავდახურული ვხარშოთ 20 წუთის განმავლობაში.
© ღვინის კლუბი/Weekend