საჭირო მასალა: ცომისთვის – 120 გ ფქვილი, 100 გ დაფქული თხილი, 1 ცალი კვერცხი, 50 გ შაქარი, 0,5 ლიმონის ცედრა, 200 გ ცხიმიანი ხაჭო, 1,5 ჩ.კ. გამაფხვიერებელი. გულსართისთვის – 2 ცალი დიდი მსხალი, 50 გ შაქარი, 0,5 ლიმონის ცედრა და წვენი, 100 მლ ცხიმიანი ნაღები, 1 ცალი კვერცხი, 1 ჩ.კ. ვანილის ესენცია. ნუშის ფირფიტები – მოსართავად.
მომზადება: ცომის ინგრედიენტები ავურიოთ და მოვზილოთ ცომი. თუ ცომი ხელს ეკრობა, კიდევ დავუმატოთ ცოტა ფქვილი. ცომი ფქვილიანი ხელებით გავაბრტყელოთ ფორმაში და გავუკეთოთ გვერდები. მსხლები გავფცქვნათ, მოვაშოროთ თესლი, დავჭრათ და მჭიდროდ დავაწყოთ ცომზე. გულსართის დანარჩენი ინგრედიენტები ავთქვიფოთ და მსხალზე გადავანაწილოთ. ნამცხვარი შევდგათ წინასწარ 170 გრადუსზე გახურებულ ღუმელში და 30 წუთი ვაცხოთ. მზა ნამცხვარს მოვაყაროთ ნუში.
© ღვინის კლუბი/Weekend