საჭირო მასალა: 400 გ სამეფო კრევეტები, 1 კბილი ნიორი, 20 გ კარაქი, 1/3 ფრანგული ბაგეტი, 1 მწიკვი დაფქული თეთრი პილპილი, 1 მწიკვი მარილი, 50 გ ყველი გორგონზოლა, 2 ს.კ. 33%-იანი ნაღები, 2 ს.კ. შარდონე, 1 ღერი ბეგქონდარა.
მომზადება: კრევეტები გავასუფთავოთ ისე, რომ მხოლოდ კუდის ბოლო სეგმენტი დავუტოვოთ. ტაფაზე დავადნოთ კარაქი და შევწვათ კრევეტები. დავუმატოთ მარილი, პილპილი, დაკეპილი ნიორი და 1/2 წუთი ცეცხლზე გავაჩეროთ. ტაფაზე დავასხათ ღვინო და მისი დაშრობის შემდეგ დავამატოთ ნაღები. როცა ნაღები შესქელდება, დავუმატოთ პატარა ნაჭრებად დაჭრილი გორგონზოლა, რომლის ჩადნობის შემდეგ მოვაყაროთ ბეგქონდარას ფოთლები და გადმოვიღოთ ღრმა თეფშზე. ბაგეტი დავჭრათ, ტაფა-გრილზე გავხუხოთ და სუფრასთან კრევეტებთან ერთად მივიტანოთ.
© ღვინის კლუბი/Weekend