საჭირო მასალა: 1 კგ პამიდორი, 1 თავი წითელი ხახვი, 1 ლ ქათმის ბულიონი, 2 ჩ.კ. თაფლი, 1 ცალი ლიმონი, 20 გ ჯანჯაფილი, 1/4 ჩ.კ. ძირა, 1/4 ჩ.კ. დარიჩინი, 50 გ ოხრახუში, 50 გ ქინძი, 50 მლ ზეითუნის ზეთი, 1 ჩ.კ. პაპრიკა, მარილი და პილპილი გემოვნებით.
მომზადება: წვრილად დაჭრილი ხახვი ზეითუნის ზეთში მოვშუშოთ გახეხილ ჯანჯაფილთან, დაფქულ ძირასა და დარიჩინთან ერთად. დავუმატოთ კანგაცლილი და დაჭრილი პამიდორი, ბულიონი, თაფლი, დაჭრილი მწვანილის ნახევარი, მარილი, პილპილი. როცა ადუღდება, დავუწიოთ ტემპერატურას და ვადუღოთ შესქელებამდე, თან ვურიოთ. წვნიანის ქვაბი ჩავდგათ ცივი წყლით და ყინულით სავსე ჭურჭელში შესაგრილებლად, დავუმატოთ 1 ს.კ. ლიმონის წვენი, დარჩენილი მწვანილი, დავასხათ თეფშებზე და ჩავდოთ ლიმონის ნაჭრები.
© ღვინის კლუბი/Weekend