საჭირო მასალა: 1 კგ. საქონლის რბილი ხორცი, 50 გ კარაქი, 4 ცალი საშუალო ზომის კომში, 2 თავი ხახვი, 2-3 კბილი ნიორი, 2 ჭიქა თეთრი მშრალი ღვინო, 1-2 ს.კ. თაფლი (კომშის სიმჟავეზეა დამოკიდებული), მარილი, შავი პილპილი – გემოვნებით.
მომზადება: ხორცი დავჭრათ 2X2 სმ ზომის ნაჭრებად. კომშს ამოვაცალოთ გული და საშუალო ზომის ნაჭრებად დავჭრათ. ხახვი დავჭრათ ალყა-ალყა. 25 გ კარაქში შევწვათ ხორცი, დავუმატოთ ხახვი, ნიორი და როდესაც ხახვი გამჭვირვალე გახდება, გადმოვდგათ ცეცხლიდან. დანარჩენ კარაქში შევწვათ კომში, მოვათავსოთ ხორცთან ერთად და კიდევ 5 წუთი ვშუშოთ. ტაფაზე, რომელშიც კომშს ვშუშავდით, დავასხათ ღვინო და თაფლი, დავუმატოთ მარილი და პილპილი. გავაცხელოთ ნარევი, სანამ თაფლი არ გაიხსნება და დავასხათ მოშუშულ ინგრედიენტებს. ყველაფერი მოვათავსოთ ქოთანში, დავახუროთ სახურავი და ერთი საათით შევდგათ 160-170 გრადუსზე გახურებულ ღუმელში.
© ღვინის კლუბი/Weekend