28.00 ლარი
კახეთში, ბაკურციხეში, ჭორტაულის მიკრორაიონში მოყვანილი გორული მწვანედანაა დაყენებული ეს ღვინო, ქვევრში, ტრადიციული წესით. ფერზე ელვარე ქარვისფერია, სურნელებში ხმელი ბალახის, ნიგვზისა და მცირეოდენი დარიჩინის ტონები იგრძნობა. ახალი, ცხარე ღვინოა, კარგი მისაყოლებელი იქნება ნიგვზიან ფხალეულთან, ნიგვზიან ბადრიჯანთან.
2013 წლის ოქტომბრის დახასიათება
გორული მწვანე, ჩვენი ღვინო, 2011
გურჯაანის რაიონის სოფ. ბაკურციხეში, ჭორტაულის ზვარში მოყვანილი ქართლური ჯიშიდან, გორული მწვანედან დაყენებული ღვინოა. ამ ქვევრის ღვინოს ძალიან ეფექტური გარეგნობა აქვს, ქარვისფერზე მეტად ცეცხლისფერი ეთქმის. თავიდან მზესუმზირის ზეთის ტონებს იგრძნობთ, რომელსაც მწვანე სუნელები, ბალახეული ტონები და ჩაის არომატი ავსებს. ღვინის გემრიელი ტანინები ძალიან სასიამოვნოს ხდის დაბოლოებას.
© ღვინის კლუბი/Weekend