საჭირო მასალა: 1 კგ მოხარშული ქათამი, 1 თავი ხახვი, 1 ს.კ. ზეთი, 0.5 ს.კ. კარის პასტა, 0.5 ჭიქა ტომატის პიურე, 50 მლ წითელი ღვინო, 1 ცალი დაფნის ფოთოლი, ლიმონის წვენი, 2 ნაჭერი დაკონსერვებული გარგარი, 150 გ მაიონეზი, 50 მლ მაღალპროცენტიანი ნაღები, მარილი, პილპილი, წიწმატი მოსართავად.
მომზადება: მოხარშული ქათამი დავჭრათ. ტაფაზე ზეთში 3 წუთის განმავლობაში მოვშუშოთ წვრილად დაჭრილი ხახვი. დავუმატოთ კარის პასტა, ტომატის პიურე, წითელი ღვინო, დაფნის ფოთოლი, ლიმონის წვენი და 10 წუთის განმავლობაში თავახდილი ვშუშოთ დაბალ ცეცხლზე. დაკონსერვებული გარგარი გავთქვიფოთ ბლენდერში. მაიონეზს შევურიოთ გარგარის პიურე და დავუმატოთ ტომატიან სოუსს. ავთქვიფოთ ნაღები, დავუმატოთ სოუსს, მოვაყაროთ მარილი, პილპილი, მოვასხათ ლიმონის წვენი და შიგ ჩავაწყოთ მოხარშული ქათმის ნაჭრები. სუფრასთან მივიტანოთ წიწმატთან ერთად.
© ღვინის კლუბი/Weekend
