მონრეალის უნივერსიტეტის მეცნიერები, რომელთაც სტეფანია ფულტონი (Stephanie Fulton) ხელმძღვანელობდა, მივიდნენ დასკვნამდე, რომ ტკბილ და ცხიმიან საჭმელებზე უარის თქმამ შეიძლება დეპრესია გამოიწვიოს. მეცნიერებმა ცდები თაგვებზე ჩაატარეს - მათ ერთ ჯგუფს 6 კვირის განმავლობაში აძლევდნენ საკვებს ცხიმის დაბალი შემცველობით (11% კალორია), ხოლო მეორე ჯგუფს - ცხიმის მაღალი შემცველობით (58% კალორია). 6 კვირის შემდეგ თაგვები მკაცრ დიეტაზე გადაიყვანეს, რის შედეგადაც ორივე ჯგუფის თაგვებს დაუდგინდათ კორტიკოსტერონის დონის მომატება (ესაა ჰორმონი, რომელიც დაკავშირებულია სტრესებთან). მეცნიერებმა აღმოაჩინეს, რომ ის ცხოველები, რომლებსაც ცხიმიან საკვებს აძლევდნენ, უფრო ნერვიულები გახდნენ მათთან შედარებით, რომლებსაც ნაკლებად ცხიმიანი საჭმლით კვებავდნენ.
© ღვინის კლუბი/Weekend