საჭირო მასალა: 5 ცალი კვერცხი, 1 ჭიქა რძე, 50 გ კარაქი, 0,5 ჩ.კ. მარილი.
მომზადება: ღუმელი 200 გრადუსამდე გავაცხელოთ. კვერცხი ოდნავ ავთქვიფოთ მარილსა და რძესთან ერთად. არ უნდა აქაფდეს. მინის ფორმას წავუსვათ კარაქი და ჩავასხათ კვერცხის მასა. ფორმა ჩავდგათ მაღალგვერდებიან მეტალის ჯამში, რომელშიც უნდა ჩავასხათ წყალი. წყალი მინის ფორმას შუამდე უნდა მოადგეს. ომლეტი შევდგათ გახურებულ ღუმელში 30 წუთით, შემდეგ გამოვიღოთ და ზედ მოვათავსოთ კუბებად დაჭრილი დანარჩენი კარაქი და კიდევ 5 წუთით შევაბრუნოთ ღუმელში.
© ღვინის კლუბი/Weekend