უკრაინელთა გემოვნება ღვინის სფეროში, საბჭოთა კავშირის დროიდან მოყოლებული, არ შეცვლილა. ისინი, ტრადიციულად, ნახევრად ტკბილ, ნახევრად მშრალ და შემაგრებულ ღვინოებს ანიჭებენ უპირატესობას. ყველაზე დიდი პოპულარობით მაინც ნახევრად ტკბილი ღვინოები სარგებლობს – აცხადებს კომპანია Inkerman International AB-ის გენერალური დირექტორი ანდრეი სტრელეცი. უკრაინისგან განსხვავებით, ევროპაში უფრო მშრალი ღვინოები მოწონთ. სტრელეცის თქმით, უკრაინელთა გემოვნების შესაცვლელად და ევროპულთან მისაახლოებლად, პირველ რიგში, ხარისხიანი პროდუქციის შექმნაა საჭირო. ახალი თაობა, რომელიც აქტიურად დადის საზღვარგარეთ, ფინანსებს არ უჩივის და ევროპულ ღვინოს აჭაშნიკებს, ძირითადად მშრალი ღვინის დამფასებელია. სტრელეცის განცხადებით, მათი რაოდენობა და, შესაბამისად, მშრალ ღვინოზე მოთხოვნა, უკრაინაში აუცილებლად გაიზრდება.
© ღვინის კლუბი/Weekend