საუკეთესო სასმელების მოყვარულთ ძნელად თუ გააკვირვებ რამით, მაგრამ გერმანულმა კომპანია G-Spirits-მა ეს შეძლო – ის კლიენტებს ლამაზმანებზე ,,დაყენებულ” სასმელს სთავაზობს. იდეა მარტივია და შთამბეჭდავი – ბოთლში მოხვედრამდე სასმელი ტოპ მოდელთა ტანზე ,,მიედინება”. კომპანია G-Spirits, რომელიც რომს, ვისკისა და არაყს აწარმოებს, აცხადებს, რომ Rum No. 1 პირდაპირ 23 წლის ამინა მალაკონის, ხოლო 12-წლიანი დაძველების Whiskey No. 1მის უნგრეთი 2012-ის, ალექსა ვარგას მკერდის გავლით მოხვდა ბოთლებში. აღსანიშნავია, რომ ლამაზმანთა განბანვის შედეგად ჩამოსხმული სასმელი ბაზარზე შეზღუდული რაოდენობით გამოვიდა. ამ პარტიის ერთი ბოთლი საშუალოდ 177 დოლარი ღირს და ყველა მათგანს ნამდვილობის დამადასტურებელი სერთიფიკატი მოჰყვება. მწარმოებლის განცხადებით, სასმლის ჩამოსხმისას განსაკუთრებული სანიტარული და ჰიგიენური ნორმები იქნა დაცული, რაც სპეციალურად მოწვეულმა ექიმებმა უზრუნველყვეს.
© ღვინის კლუბი/Weekend