საჭირო მასალა: 1 მოზრდილი ხახვი, 2 დიდი პამიდორი, 1 ს.კ. ტომატპასტა, 2-3 ს.კ. ბრინჯი ან ბულგურიPilavlık bulgur, 1/2 კონა ოხრახუში, 3 ღერი კამა, 2 ღერი პიტნა ან 1 ჩ.კ. მშრალი პიტნა, 150 მლ მდუღარე წყალი, დაღერღილი წითელი წიწაკა, დაფქული შავი პილპილი, მარილი - გემოვნებით, ზეთი - შესაწვავად. საწებელი – 150 მლ იოგურტი, 2 კბილი ნიორი.
მომზადება: ყაბაყი გავფცქვნათ, თესლებისგან გავასუფთაოთ და დავჭრათ პატარა ნაჭრებად. სქელძირიან ღრმა ტაფაზე ზეთში მოვშუშოთ ალყა-ალყა დაჭრილი ხახვი, დავუმატოთ წვრილად დაჭრილი პამიდორი და ტომატპასტა და კიდევ 5 წუთი გავაგრძელოთ შუშვა. დავუმატოთ გარეცხილი ბრინჯი ან ბულგური, 3 წუთის შემდეგ დაჭრილი ყაბაყი, გავუწყოთ მარილი, დავუმატოთ წყალი, დავუწიოთ ტემპერატურას და ვადუღოთ 25 წუთი ბრინჯის მომზადებამდე. დავამატოთ დაკეპილი მწვანილი, სანელებლები და სუფრასთან მიტანისას ზემოდან მოვასხათ დაჭყლეტილი ნივრით შეზავებული იოგურტი.
© ღვინის კლუბი/Weekend