მაისის ყინვებმა და სეტყვამ ავსტრიაში ვენახები მნიშვნელოვნად დააზიანა – მიყენებული ზარალი 14 მილიონ ევროდ შეფასდა. დაზიანდა დაახლოებით 6 ათას ჰექტარზე გაშენებული ვენახები, მათგან 4 ათასი ჰექტარი სრულიად განადგურდა. ამასთან დაკავშირებით ავსტრიის მევენახეთა ასოციაციის (Austrian Winegrowers Association, AWA)პრეზიდენტმა იოზეფ პლაილმა განაცხადა, რომ წელს ყურძნის მოსავალი, სავარაუდოდ, საშუალო მაჩვენებელზე 2-2,2 მილიონი ჰექტოლიტრით ნაკლები იქნება. მიუხედავად ზარალისა, გადარჩენილი ვენახების ყურძენი მაღალი ხარისხით გამოირჩევა, რაც ავსტრიელებს საუკეთესო მოსავლის მიღების იმედს აძლევს. “იმ ადგილებში, რომლებსაც სეტყვა და ყინვა არ შეეხო, შესანიშნავი მოსავალი გვექნება," - განაცხადა ბატონმა პლაილმა. მშრალ გაზაფხულსსაკმაოდ ხანგრძლივი წვიმები და შემდეგ ისევ ძლიერი სიცხეები მოჰყვა – ამ ყველაფერმა კი ხელი შეუწყო ვეგეტაციის პროცესს."
© ღვინის კლუბი/vinoge.com