საჭირო მასალა: ცომი – 500 გ ფქვილი, 1 ჩკ. საცხობი ფხვნილი, 50 გ ფქვილი, 70 გ შაქარი, 1 კვერცხი, 200 გ დარბილებული კარაქი, 100 მლ რძე.
გულსართი – 1 ს.კ. ლიმონის წვენი, 1 ჩ.კ. ლიმონის ცედრა, 4 ს.კ. შაქარი, 70 გ ნიგოზი, 5 საშუალო ვაშლი, დარიჩინი – გემოვნებით.
შაქრის პუდრა - მოსაყრელად
მომზადება: ვაშლი გავფცქვნათ, ამოვაცლოთ თესლი და თხლად დავჭრათ. მოვათავსოთ ღრმა ტაფაში, დავასხათ ცოტა წყალი და დავაყაროთ შაქარი. დავდგათ დაბალ ცეცხლზე და როცა წყალს დაიშრობს, გადმოვდგათ. დავაყაროთ დაჭრილი ნიგოზი, დარიჩინი, ლიმონის ცედრა და წვენი. ცომის მოსამზადებლად შაქარი და კარაქი გავთქვიფოთ, დავუმატოთ კვერცხი, რძე, გაცრილი ფქვილი და საცხობი ფხვნილი. მოვზილოთ ნაზი და ამასთან ელასტიკური ცომი. გავყოთ ორად, გავაბრტყელოთ მართკუთხედად, შემდეგ შუაზე გავჭრათ და თითოეული კვადრატი დიაგონალურად გავჭრათ. მივიღებთ სამკუთხედებს. თითოეული სამკუთხედი დავსეროთ, ზედ მოვათავსოთ გულსართი და შევკრათ. გამოვაცხოთ 180 გრადუსზე გახურებულ ღუმელში 15-20 წუთის განმავლობაში. ნამცხვარი ოდნავ შევაგრილოთ და მოვაყაროთ შაქრის პუდრა.
© ღვინის კლუბი/Weekend