დასავლეთ ავსტრალიის ღვინის გაყიდვების ზრდას აზიელი მომხმარებლების ინტერესს უკავშირებენ. ავსტრალიის სტატისტიკის ბიუროს ინფორმაციით, გასული წლის განმავლობაში ღვინის წარმოება, თანხობრივი თვალსაზრისით, 10 მილიონი დოლარით გაიზარდა. თუ ავსტრალიური ღვინის ექსპორტის გეოგრაფიას დეტალურად განვიხილავთ, ყველაზე დიდი წილი ჩინეთზე მოდის - მის ბაზარზე ავსტრალიური ღვინის ექსპორტის ღირებულება 8 მილიონი დოლარით გაიზარდა. ტრადიციულად, აზიის ბაზარზე წითელ ღვინოზე მოთხოვნილება დიდია და კვლავაც იზრდება, თუმცა ევროპული გასტრონომიული კანონების მიხედვით, აღმოსავლურ კერძებს თეთრი ღვინო უფრო უხდება.
© ღვინის კლუბი/Weekend