იტალიური ღვინის ერთ-ერთი ყველაზე ცნობილი მწარმოებელი კომპანია Tenuta dell’Ornellaia-ს მესვეურებმა 2009 წლის შეზღუდული რაოდენობით გამოშვებული ღვინო Vendemmia d’Artista-ს გასაფორმებლად ჩინელი მხატვარი – ჩჟან ხუანი მიიწვია. მხატვარმა მთავარ იდეად ჰარმონიისა და წონასწორობის თემა აირჩია, სწორედ ამიტომ აირჩია ბოთლების გასაფორმებლად ძველი ჩინელი ფილოსოფოსის - კონფუციუსის გამოსახულება. გარდა კონფუციუსის პორტრეტისა, ბოთლების ეტიკეტზე მისი ცხოვრების ამსახველი სცენები და ჩინური იეროგლიფებიცაა დატანილი, რაც ,,სიბრძნისაკენ სწრაფვას” ნიშნავს. ღვინის ამ სერიის ყველაზე მნიშვნელოვანი ნიმუში ცხრა ლიტრის მოცულობის ბოთლია, რომელსაც კონფუციუსის მეტალისგან შექმნილი გამოსახულება ამშვენებს. 27 აპრილს ჰონკონგში დაგეგმილია Sotheby'sაუქციონი, რომელზეც Vendemmia d’Artista-ს “კონფუციური” სერიის 111 ნიმუშიდან 21 გაიყიდება. როგორც იუწყებიან, აუქციონიდან მიღებულ შემოსავალს კომპანია Tenuta dell’Ornellaiaსაქველმოქმედო ფონდ H2 Foundation for Arts and Education-ის ანგარიშზე ჩარიცხავს.
© ღვინის კლუბი/Weekend