გასულ წელს ესპანელმა მეღვინეებმა საექსპორტოდ 152 მილიონი ბოთლი ტრადიციული ცქრიალა ღვინო - კავა - გაიტანეს, რაც 2010 წლის რეკორდულ მაჩვენებელზე 2%-ით მეტია. თუმცა, ღვინის საწარმოთა უმრავლესობა არ ჩქარობს პროდუქციის გასაყიდად გამოტანას, ვინაიდან უმუშევრობის დონის მკვეთრმა ზრდამ პროდუქციის რეალიზაციას ადგილობრივ ბაზარზე საფრთხე შეუქმნა. 2011 წლის ბოლო კვარტალში ესპანეთში გაყიდვების დონის ვარდნამ, საერთო ჯამში, პროდუქციის ექსპორტის 2%-ით შემცირება გამოიწვია. “ცქრიალა ღვინოები, სხვა ღვინოებისგან განსხვავებით, ყოველდღიურ რაციონში არ შედის, ამიტომ ორმაგი ძალისხმევის გამოჩენა გვიწევს, რომ მომხმარებლის ყურადღება მივიპყროთ” - აცხადებს კომპანია Codorniu UK-ის აღმასრულებელი დირექტორი ნიკ მანტელა.
© ღვინის კლუბი/Weekend