ფლორენციაში, ყოფილი რკინიგზის სადგურის დარბაზში, რომელიც საგამოფენო კომპლექსად გადააკეთეს, Chianti Classico Collection 2012-ის პრეზენტაცია შედგა. დეგუსტაციის მონაწილეებმა აღნიშნეს, რომ კიანტის ხარისხი წლიდან წლამდე სტაბილურად უმჯობესდება. საკმაოდ პოზიტიურად შეფასდა 2010 წლის ვინტაჟის პროდუქციაც. საინტერესოა, რომ ამ ღვინის პრაქტიკულად ყველა ნიმუში უკვე მზადაა მოხმარებისთვის, არადა რამდენიმე წლის წინ სახელგანთქმული აპელასიონის ღვინოთა უმრავლესობას უფრო დიდი ხნით ესაჭიროებოდა ბოთლებში დაძველება. დეგუსტაციაში მონაწილეობა ისეთმა მცირე ოჯახურმა მარნებმაც მიიღეს, რომლებიც წლის განმავლობაში სულ რაღაც 50 000 ბოთლ ღვინოს ასხამენ. წელს განსაკუთრებით გამოირჩეოდნენ ბიოდინამისტები - Reicine და Montecalvi-ს მეურნეობებმა შესანიშნავი პორტფოლიო წარმოადგინეს, ჩინებული გამოდგა ასევე მარან Monte Bernardi-ს კიანტი, Castello della Paneretta-ს კანაიოლო და უძველესი, თითქმის გადაშენებული ტოსკანური ჯიშიდან, ფოლია ტონდადან დაყენებული ღვინო Manucci Droandi-სგან.
© ღვინის კლუბი/Weekend