ქალაქ ვენაში ღვინის კონკურსზე International Wine Challenge AWC – Vienna, 2004 წლიდან მოყოლებული, დაახლოებით 10 ათასი ნიმუში იყრის თავს. 2010 წელს კონკურსზე 1 438 მწარმოებლის 9 632 მარკის ღვინო იყო წარმოდგენილი. კონკურსში მონაწილეობას მსოფლიოს ხუთი კონტინენტის მეღვინეები ღებულობენ, ყველა ნიმუშის ბრმა დეგუსტაცია საერთაშორისო წესების მიხედვით ხდება. კონკურსის შედეგები და იმ ღვინოთა აღწერა, რომლებმაც 85 ქულაზე მეტი მიიღეს, წიგნში Whitebook Wine 2011/2012 გამოქვეყნდა. 2012 წლის კონკურსის ნიმუშების რეგისტრაცია 16 აპრილიდან 6 მაისამდე გაიმართება, კონკურსის შედეგები კი ამავე წლის სექტემბერში გამოცხადდება.
© ღვინის კლუბი/Weekend