საჭირო მასალა: 2 კვერცხი, 4 წვრილად დაჭრილი ბეკონი, 2 თავი წვრილად დაჭრილი ხახვი, 150 გ დაჭრილი სოკო, 3 ს.კ. წითელი ღვინის ძმარი, 1 ჩ.კ. შაქარი, 1 ჩ.კ. დიჟონის მდოგვი, 1 კბილი ნიორი, 150 გ ისპანახი, მარილი, წიწაკა – გემოვნებით, 2 ს.კ. რბილი ლურჯი ყველი, მარილი - გემოვნებით.
მომზადება: კვერცხი მაგრად მოვხარშოთ, გავფცქვნათ და წრეებად დავჭრათ. ბეკონი წვრილად დავჭრათ, მოვათავსოთ ტაფაზე და როცა ცხიმს გაუშვებს, დავუმატოთ ხახვი და წვრილად დაჭრილი ნიორი. 2-3 წუთში დავაყაროთ სოკო და შუშვა განვაგრძოთ. 2-3 წუთის შემდეგ დავასხათ ძმარი და მდოგვი. მოვაყაროთ მარილი, შაქარი და მოვურიოთ. ერთმანეთში კარგად რომ გაიხსნება, გადმოვდგათ ცეცხლიდან. ისპანახის ფოთლები გავრეცხოთ, შევაშროთ და ხელით დავფლითოთ. თუ პატარა ფოთლებია, პირდაპირ გადავიტანოთ სასალათეში. ზედ მოვათავსოთ მოშუშული პროდუქტები და მოხარშული კვერცხის ნაჭრებით მოვრთოთ.
© ღვინის კლუბი/Weekend