ლონდონში გამართულ აუქციონზე უიშვიათესი, 55-წლიანი დაძველების შოტლანდიური ვისკი Glenfiddich 44 ათას გირვანქა სტერლინგად გაიყიდა. ვისკი კომპანია William Grant & Sons-ის დამფუძნებლის, უილიამ გრანტის შვილთაშვილის, ჯანეტ შიდ რობერტსის 110 წლის იუბილესთან დაკავშირებით შეიქმნა. ვისკი Glenfiddichღია ოქროსფერია, იისა და მოხალული ნუშის ნოტებით ხასიათდება. სულ უნიკალური ვისკის 11 ბოთლი ჩამოისხა, ანუ თითო ბოთლი ჯანეტ რობერტსის მიერ განვლილ ყოველ ათ წელიწადზე. თითოეული ბოთლი ხელით არის დანომრილი და ყველა მათგანი სხვადასხვა ქვეყანაში გამართულ აუქციონებზე გაიყიდება. აღსანიშნავია, რომ ძვირად ღირებული ვისკი საქველმოქმედო მიზნებით იყიდება, აუქციონიდან შემოსული თანხა დიდი ბრიტანეთის არმიის ვეტერანებს მოხმარდებათ. სხვათა შორის, ვისკის ამავე პარტიის პირველი ბოთლი 46 850 ათას გირვანქა სტერლინგად გაიყიდა და ამ თვალსაზრისით მსოფლიო რეკორდიც დაამყარა.
© ღვინის კლუბი/Weekend