საჭირო მასალა: 1 კგ ვირთევზა, 500 გ კარტოფილი, 3 ცალი მოზრდილი სტაფილო, 3 კვერცხი, 1 კონა ოხრახუში, მარილი გემოვნებით.
მომზადება: გასუფთავებული ვირთევზა დავჭრათ საშუალო ზომის ნაჭრებად და ჩავაწყოთ ცივ მარილწყალში. 30 წუთის შემდეგ დავდგათ ქვაბი ცეცხლზე და თევზი მოვხარშოთ. მოხარშული თევზის ნაჭრები ამოვიღოთ ლანგარზე გასაციებლად. თევზის ბულიონში მოვხარშოთ სტაფილო და კარტოფილი. ცალკე 15 წუთის განმავლობაში მოვხარშოთ კვერცხი. სუფრასთან მივიტანოთ მოხარშული თევზი დაჭრილ ბოსტნეულთან და მოხარშულ კვერცხთან ერთად. ზემოდან მოვაყაროთ დაკეპილი ოხრახუში. მარხვის დღეებში კერძი მზადდება კვერცხის გარეშე.
© ღვინის კლუბი/Weekend