შოტლანდიელმა მეცნიერებმა გაყალბებული ვისკის დადგენის მაღალტექნოლოგიურიუ მეთოდი შეიმუშავეს. ამისთვის ვისკის მოხლოდ ერთი წვეთი და თმის ღერზე უწვრილესი ლაზერის სხივია საჭირო. როგორც სანტ ენდრიუს უნივერსიტეტის მკვლევარებმა დაადგინეს, წვეთში გატარებული ლაზერის სხივის შესწავლით, ტესტირებული ვისკის წარმომავლობისა და თვისებების შესახებ ამომწურავი ინფორმაციის მიღება შეიძლება. პირველ რიგში, ეს ალკოჰოლის შემცველობას ეხება. როგორც წესი, გაყალბებულ ვისკიში ალკოჰოლი ნორმით განსაზღვრულ 40%-ზე დაბალია ხოლმე. მეცნიერები უფრო შორს წავიდნენ და აცხადებენ, რომ ახალი მეთოდოლოგიით არამხოლოდ ამ თვისების, არამედ ვისკის ასაკის, ადგილწარმოშობისა და იმის დადგენაც კი შეიძლება, თუ რომელი კასრიდან არის ჩამოსხმული.
© ღვინის კლუბი/Weekend