საჭირო მასალა: ბრინჯისთვის - 500 მლ რძე, 125 გ მრგვალი ბრინჯი, 1 ს.კ. შაქარი, 60 გ მწარე შოკოლადი. კომპოტისთვის - 1 მუჭა კეშიუ (ინდური თხილი), 20 გ კარაქი, 1 ცალი მსხალი, 1 ს.კ. შაქარი, 1 ცალი ფორთოხალი, 0,5 ლიმონი, 0,5 ს.კ. ვანილის შაქარი, დარიჩინი – გემოვნებით.
მომზადება: რძე ავადუღოთ, ჩავყაროთ ბრინჯი და 20 წუთის განმავლობაში ვადუღოთ, თან ვურიოთ. შოკოლადი გავხეხოთ და დავუმატოთ ბრინჯს. ბოლოს შევურიოთ შაქარი და გადმოვდგათ ცეცხლიდან. მსხალი გავფცქვნათ, გავჭრათ ორად, ამოვაცალოთ გული და თხელ ნაჭრებად დავჭრათ. კეშიუ ტაფაზე მოვხალოთ, სანამ არ გაყავისფერდება, შემდეგ დავუმატოთ კარაქი, მსხალი და კარგად ავურიოთ. დავაყაროთ შაქარი და მივიყვანოთ კარამელიზაციამდე. მსხალს დავუმატოთ ლიმონის წვენი, ვანილის შაქარი, დარიჩინი, ფორთოხლიდან გამოწურული წვენი და გამორჩეული რბილობი. ზემოხსენებული ინგრედიენტები კარგად ავურიოთ, ერთხელ წამოვადუღოთ და სუფრასთან რძეში მოხარშულ შოკოლადიან ბრინჯთან ერთად მივიტანოთ.
© ღვინის კლუბი/Weekend