22.80 ლარი
ქინძმარაულის მიკროზონაში მოყვანილი საფერავიდან დაყენებული ღვინოა, ნახევრადტკბილი. სასიამოვნო გარეგნობის ღვინოა, ალუბლისფერი, ჟოლოსფერი რკალით. სურნელზე პირველ რიგში მცენარეული ტონები იქცევს ყურადღებას, რომელსაც მოგვიანებით კენკრის, მაგალითად, ჟოლოს არომატები ავსებს. გემოზე საკმაოდ ძლიერია, ტანინიანი, ხანგრძლივი და საინტერესო დაბოლოებით.
2012 წლის დახასიათება:
ეს ქინძმარაული შარშანაც კარგი იყო და წელსაც მშვენიერ ფორმაშია. ამ ტიპის ღვინოების დაძველებაზე ლაპარაკი ზედმეტია, მოგეხსენებათ ნახევრადკბილი ღვინოები ცივად ინახება ხოლმე საწარმოებში და ეს ღვინოც სწორედ ასე შენახული და ჩამოსხმული სულ რაღაც 2-3 თვის წინ. ძალიან სასიამოვნო ალუბლისფერი გარეგნობა აქვს, გემოზე კი ნაზი ტანინები სიტკბოს და სირბილეს ერწყმის. სურნელში ჟოლოს მურაბასა და თუთის ტყლაპს იგრძნობთ. მიაყოლეთ დესერტს, შოკოლადიან ნამცხვრებს, წითელ ხილს.
© ღვინის კლუბი/Weekend