საჭირო მასალა: 200 გ მოხარშული კიბორჩხალის ხორცი, 4 ცალი პატარა ზომის
დამარინადებული კიტრი, 1 ს.კ. დამარინადებული კაპარი, 3 ს.კ. ცივი გამოხდის ზეითუნის ზეთი, 2 ს.კ. ძმარი ბალზამიკო, 3 ს.კ. ფორთოხლის წვენი, 1 კონა კამა.
მომზადება: კიბორჩხალის ხორცი დავჭრათ და სასალათეში მოვათავსოთ, შევურიოთ წვრილად დაჭრილი კიტრი, კაპარი და კამა. თუ კაპარი არა გვაქვს, შეგვიძლია სალათა მის გარეშეც მოვამზადოთ ან მწვანე ზეთისხილი შევურიოთ, ხოლო კიბორჩხალის ხორცის ნაცვლად კი კიბორჩხალის ჩხირები გამოვიყენოთ. ზეითუნის ზეთი, ძმარი და ფორთოხლის წვენი კარგად ავთქვიფოთ და მოვასხათ სალათას.
© ღვინის კლუბი/Weekend