საჭირო მასალა: 1 კგ კურკაგამოცლილი, გაფცქვნილი ყვითელი ფერის ატამი, 1 კგ შაქარი, ნახევარი ლიმონი, 50-70 გ ნუში.
მომზადება: ატამი დავჭრათ 4-6 ნაჭრად, მოვათავსოთ მომინანქრებულ სამურაბე თასში და ფენა-ფენა დავაყაროთ შაქარი, დავაფაროთ ტილო და მთელი ღამით დავდგათ, რომ წვენი გაუშვას. დილით მურაბა დავდგათ ცეცხლზე. ამასობაშო მოვამზადოთ ნუში: დავასხათ მდუღარე წყალი, კანი რომ გადაცილდეს, გადავავლოთ ცივი წყალი და სურვილისამებრ დავჭრათ. როდესაც მურაბა წამოდუღდება, დავუმატოთ ნუში და გავაგრძელოთ ხარშვა. 20 წუთის შემდეგ ატამს დავუმატოთ დაჭრილი ლიმონი და გადმოვდგათ ცეცხლიდან. გასტერილებული ქილები პირამდე გავავსოთ მდუღარე მურაბით და გავუკეთოთ საფარებლები.
© ღვინის კლუბი/Weekend