9.00 ლარი
ამ ოჯახური ღვინის მწარმოებელი მცირე მარნის მფლობელია ქიზიყში. იგი წელს პირველად გამოჩნდა ქართულ ბაზარზე ორნაირი ღვინითა და ჭაჭით. ეს რქაწითელი სიღნაღის რაიონის სოფელ ბოდბეში მოყვანილი ყურძნიდანაა დაყენებული. თავიდანვე ეტყობა, რომ ღვინო ოჯახურია და გაფილტვრის გარეშეა ჩამოსხმული. კახური ტიპის ღვინოა, ჭაჭაზე დადუღებული, ქვევრის გარეშე, ქარვისფერია, სპილენძისფერი იერით. მშრალი ხილებისა და მცირედი სუნელების ტონებით გამოირჩევა. ეს რქაწითელი კახურ სამზარეულოს უნდა მიაყოლოთ.
© ღვინის კლუბი/Weekend