საჭირო მასალა: 1-2 ცალი ბადრიჯანი, 1 თავი ხახვი, 1 კბილი ნიორი, 200 გ ძროხის ხორცის ფარში, 0,5 ჩ.კ. დარიჩინი, 0,5 ჩ.კ. ხმელი ქინძი, 2 ცალი მოზრდილი პამიდორი, 0,5 ჭიქა ზეთი, 50 გ მშრალი ღვინო, რამდენიმე ცალი სულგუნის ფირფიტა და 2-3 ს.კ. გახეხილი პარმეჯანო.
მომზადება: ბადრიჯანი დავჭრათ და მოვაყაროთ მარილი. ტაფა კარგად გავახუროთ, დავყაროთ ზედ ფარში, დავამატოთ ცოტა ზეთი და მოვშუშოთ, დავაყაროთ დაჭრილი ხახვი, 3 წუთში კი - დაჭყლეტილი პამიდორი, დაკეპილი ნიორი, მარილი და დანარჩენი სანელებლები, დავასხათ ღვინო და 15 წუთი ვშუშოთ დაბალ ცეცხლზე. ბადრიჯანი გავწუროთ და შევწვათ ზეთში. ფორმაში ფენა-ფენა მოვათავსოთ ბადრიჯანი, სულგუნის ფირფიტები და ფარში, ბოლოს კი მოვაყაროთ გახეხილი ყველი, შევდგათ 170 გრადუსზე გახურებულ ღუმელში, სანამ ყველი არ მოიბრაწება.
© ღვინის კლუბი/Weekend