პორტვეინის მწარმოებელთა შეფასებები

გამოქვეყნებულია: 8 მაისი, 2011 - 15:03

2009 წლის მოსავლის შეაფასებისას პორტვეინის სახლები სხვადასხვაგვარ შეფასებებს აკეთებენ. პორტვეინის ზოგიერთმა მწარმოებელმა კომპანიამ 2009 წლის პროდუქციის შეფასებისას მოსავლის ხარისხი არადამაკმაყოფილებლად შეაფასა, რამდენიმე მსხვილმა ბრენდმა კი ვინტაჟის შესახებ გააკეთა განცხადება. მაგალითად, Fladgate Partnership-ის წარმომადგენლებმა, რომლებიც ფლობენ Taylor’s, Croft და Fonseca-ს, განაცხადეს, რომ სამივე მეურნეობა ვინტაჟურ პორტვეინს ჩამოასხამს.

კომპანიის აღმასრულებელი დირექტორი – ედრიან ბრიჯი (AdrianBridge) სიხარულს ვერ მალავს – “სამი ასეული წელია, რაც პორტვეინს ვაწარმოებთ, მაგრამ მთელი ამ ხნის განმავლობაში ალბათ არც ისე ხშირი ყოფილა შემთხვევა, როცა ზედიზედ ოთხი წლის განმავლობაში შესანიშნავი მოსავალი გვქონოდა”.

პორტვეინის სახლმა Niepoort-მა 2009 წელი უკვე თავისი არსებობის ისტორიაში საუკეთესო წლად აღიარა. თუმცა კომპანია Family Estates-ს წარმომადგენელები, რომელსაც ეკუთვნის Graham’s, Warre’s, Dow’s დაGould Campbell, საწინააღმდეგოს აცხადებენ. “2009 წელი იყო ექსტრემალურად მშრალი წელი, ნალექები ჩვეულებრივზე 31%-ით ნაკლები მოვიდა, შედეგად, მივიღეთ მოსავალი, რომელშიც ალკოჰოლისა და უმწიფარი ტანინების წილი შედარებით მაღალია.”

თემა:

პატარა ჭიქებით