საჭირო მასალა: 4 ცალი კალმახი, 1 ჭიქა ღვინო, 80 გ კარაქი, 1 ცალი პრასა, 200 გ სტაფილო, 2 ჩ.კ. კვლიავი, 2 ცალი დაფნის ფოთოლი, წიწაკა, მარილი – გემოვნებით.
მომზადება: სქელძირიანი ტაფა გავაცხელოთ, გავადნოთ 1 ს.კ. კარაქი, დავაყაროთ მსხვილად დაჭრილი პრასა და სტაფილო. ბოსტნეული 5 წუთის განმავლობაში ვშუშოთ. თევზები გავასუფთავოთ, შიგნიდან და გარედან წავუსვათ წიწაკა, მარილი, 1 ჩ.კ. კვლიავი. თითოეულს მუცელში ჩავუდოთ 1 ჩ.კ. კარაქი და ჩავდოთ ფორმაში. ზემოდან დავადოთ მოშუშული ბოსტნეული, დაფნის ფოთოლი, მოვაყაროთ დანარჩენი კვლიავი, დავასხათ ღვინო და 15-20 წუთით შევდგათ 200 გრადუსზე გახურებულ ღუმელში. თევზის შენამწვავი წვენი გადავიტანოთ პატარა ტაფაში და 3 წუთი ვხარშოთ. შემწვარი თევზი მომზადებულ საწებელთან ერთად მივიტანოთ სუფრასთან.
© ღვინის კლუბი/Weekend