1774 წელს ჩამოსხმული ერთი ბოთლი ღვინო აღმოსავლეთ საფრანგეთის ერთ-ერთ რეგიონ იურაში ღვინის ფესტივალის ფარგლებში გამართულ აუქციონზე 57 ათას ევროდ გაიყიდა. ღვინო ანატოლ ვერსელის (1725-1786) მიერაა ჩამოსხმული ჯერ კიდევ ლუდოვიკო XV-ს დროს. იღბლიან მყიდველებს შეუძლიათ გასინჯონ ეს ღვინო, თუკი გამბედაობა ეყოფათ – განაცხადეს ექსპერტებმა, რომლებმაც იმავე ჩამოსხმის ღვინო ჯერ კიდევ 1994 წელს დააგემოვნეს და უმაღლესი შეფასებაც მისცეს. მათი თქმით, ღვინოს შესანიშნავი ქარვისფერ-ოქროსფერი დაკრავს და მასში ნიგვზის, კარის, დარიჩინის, ვანილისა და ხმელი ხილის არომატი იგრძნობა. სპეციალისტებმა ამ ღვინოს ათქულიანი სისტემით 9,4 ქულა მიანიჭეს. ნაკლებად ცნობილი რეგიონის ღვინოში გადახდილი ასეთი ფასი ნამდვილად რეკორდულია, რის შედეგადაც აუქციონის ორგანიზატორმა ბერნარ ბადოზმა განაცხადა, რომ ამიერიდან იურას რეგიონიც ბორდოსა და ბურგუნდიის სიმაღლეზე დადგება. ბოთლში, ე.წ. ყვითელი ღვინო (vin jaune)ასხია, რომელიც მხოლოდ savagnin ჯიშის ყურძნისგან დგება. ამ ჯიშს იურას რეგიონის გარდა იშვიათად თუ შეხვდებით სადმე. ეს ღვინო ექვსი წლის მანძილზე ძველდებოდა მუხის უზარმაზარ კასრებში. ღვინის ახალი მფლობელი შვეიცარიელი პიერ შევრიე გახდა, რომელმაც აუქციონზე გამართულ ვაჭრობაში პარიზელი ბიზნესმენი დაჯაბნა.
© ღვინის კლუბი/Weekend