ავსტრალიელი მეღვინეები დიდ იმედებს ამყარებენ აზიური ბაზრის მზარდ პოტენციალზე. გასულ წელს ავსტრალიური ღვინის გაყიდვებმა ჩინეთში თითქმის 25%-ით მოიმატა და თანხობრივად რეკორდულ მაჩვენებელს – 164 მილიონ დოლარს მიაღწია. აღსანიშნავია, რომ ექსპორტის ძირითადი წილი (134 მილიონი დოლარი) ბოთლებში ჩამოსხმულ წითელ ღვინოზე მოდის. ავსტრალიელი მეღვინეები არანაკლები წარმატებით გადიან სხვა აზიური ქვეყნების ბაზარზეც – მათი პროდუქციის გაყიდვები ინდოეთში 55%-ით, ვიეტნამში კი – 67%-ით გაიზარდა. ბრიტანული ბაზრის სტაგნაციის ფონზე ასეთი შედეგები მართლაც რომ შთამბეჭდავად გამოიყურება. მსოფლიო მასშტაბით ავსტრალიური ღვინის ექსპორტი, საერთო ჯამში, 2%-ით გაიზარდა, ამასთან, ექსპორტის თანხობრივი მაჩვენებელი 9%-ით დაეცა.
© ღვინის კლუბი/Weekend