საჭირო მასალა:1 ცალი ქათამი, 4 ს.კ. ზეითუნის ზეთი, 1 თავი ხახვი, 2 კბილი ნიორი, 1 ს.კ. ფქვილი, 200 მლ თეთრი ღვინო, 200 მლ ქათმის ბულიონი, 1 ცალი დაფნის ფოთოლი, 0,5 ჩ.კ. ერთად არეული ჯავზი და ზაფრანა, 50გ დანაყილი ნუში, 2 ცალი მოხარშული კვერცხი, 0,5 ლიმონი, მარილი და წიწაკა - გემოვნებით.
მომზადება:ქათამი დავჭრათ 6-8 ნაჭრად და ზეთდასხმულ ტაფაზე ყველა მხრიდან შევბრაწოთ, დავუმატოთ წვრილად დაჭრილი ხახვი და ნიორი და ერთად მოვშუშოთ. ბულიონს დავუმატოთ ღვინო და მასში გავხსნათ ფქვილი, ზაფრანა, წიწაკა, მარილი და ჯავზი, ჩავუმატოთ დაფნის ფოთოლი, დავდგათ ცეცხლზე და 30 წუთი დაბალ ცეცხლზე ვხარშოთ. ქათამი მოვათავსოთ თუნუქის ფურცელზე და თბილ, გამორთულ ღუმელში შევდგათ, სანამ წვენი მომზადდება. წვენს დავუმატოთ ერთად არეული დანაყილი ნუში და 1 ცალი მოხარშული კვერცხის გული, დავდგათ ცეცხლზე და გამუდმებით ვურიოთ 4 წუთის განმავლობაში. ქათმის ხორცს მოვასხათ წვენი და დავაწუროთ ლიმონი. კერძს სუფრაზე გატანის წინ მოვაყაროთ გახეხილი მოხარშული კვერცხის გული.
© ღვინის კლუბი/Weekend