ჩილეს ღვინის კომპანია Errazuriz 2020 წლისათვის აპირებს გახდეს სუპერპრემიალური ღვინოების მთავარი მწარმოებელი ქვეყანაში. როგორც წარმოების მენეჯერები აცხადებენ, კომპანიას სურს უახლოეს 10 წელიწადში გაყიდვები 60 მილიონი დოლარიდან 100 მილიონამდე გაზარდოს. კომპანიისთვის უმთავრეს ბაზრად კვლავ ევროპა რჩება. როგორც Errazuriz-ის ხელმძღვანელი ფილიპე დე ლა ხარა აცხადებს, კომპანიის განზრახვა სავსებით რეალურია, რადგანაც დღეს ის უკვე ახდენს ბაზარზე მაღალი ზრდის ტემპის დემონსტრირებას. ბოლო 5 წლის განმავლობაში ბაზარი მთლიანად 8%-ით გაიზარდა, კომპანიის მაჩვენებელი კი ამ ფონზე 11%-ს შეადგენს. 2010 წლის აგვისტოს მონაცემებით Errazuriz-ის ბოთლის ღვინის ექსპორტი წელიწადში 29%-ით გაიზარდა.
© ღვინის კლუბი/“Weekend“