საჭირო მასალა: 700 გ. ქათმის ფილე, 200 გ. სოკო, 2 ს.კ. ბრინჯი, 2 თავი ხახვი, 1 ჩ.კ. ძირა, 3 კბილი ნიორი, 1 კონა ქინძი, 5 ღერი პიტნა, 0,5 ჩ.კ. კურკუმა, წითელი წიწაკა და მარილი – გემოვნებით, 1 კგ. სხვადასხვა ფერის ბულგარული წიწაკა, 1-2 ს.კ. პომიდვრის პასტა, 2 ჩ.კ. შაქარი.
მომზადება: ქათმის ფილე, ხახვი, მწვანილი და ნიორი გავატაროთ ხორცსაკეპ მანქანაში, დავუმატოთ დაკუწული სოკო, სანელებლები და გარეცხილი ბრინჯი. წიწაკა გავრეცხოთ და ამოვაცალოთ ყუნწი თესლებითურთ. მომზადებული ფარში მოვათავსოთ წიწაკებში და ჩავაწყოთ ქვაბში. 500 მლ. წყალში გავხსნათ პომიდვრის პასტა, შაქარი, მარილი და წითელი წიწაკა, მოვასხათ გამზადებულ წიწაკებს და დავდგათ ცეცხლზე. ვხარშოთ მანამ, სანამ ბრინჯი არ მოიხარშება. მივირთვათ არაჟანთან ერთად.
© ღვინის კლუბი/“Weekend“
