საფერავი, საიდანაც ეს ღვინოა დაყენებული, რა თქმა უნდა ქინძმარაულის ზონაშია მოწეული, სადაც ყურძენი კლიმატისა და ნიადაგის გათვალისწინებით განსაკუთრებულ შაქრიანობას აღწევს, ღვინო კი საუკეთესო ჯიშურ არომატებს ავლენს. ამ ღვინის სურნელებში შავი კენკრისა და ტყავის ტონები ამოიცნობა, გემოზე საკმაოდ ტანინიანია, ამიტომ, წითელი ხილისა და ხილის ნამცხვრების გარდა, ზოგიერთ ხორციან კერძსაც შეიძლება მოუხდეს, რომელსაც მოტკბო სოუსთან მიირთმევენ.