ყვარლის რეგიონში მოყვანილი ქისის ჯიშის ყურძნიდან დაწურულ ამ ჩალისფერ ღვინოში მწვანეზე მეტად ოქროსფერი მოჩანს. საკმაოდ თხელი ღვინოა, ხასიათდება მინდვრის ყვავილების, უფრო მეტიც, პარფუმის სურნელებითაც. სურნელი იმდენად ეფექტური აქვს, რომ გემოზეც ასეთივე სისავსეს ელი, თუმცა საბოლოოდ ღვინო მსუსხავ შეგრძნებას ტოვებს. დაგემოვნებაში ჩაი და მანგოც მოჩანს. მიაყოლეთ ბოსტნეულის სალათებს, შეკმაზულ თევზს, ნესვს.