მსოფლიოში ცნობილმა კონიაკის მწარმოებელმა ფირმა Rémy Martin-მა, რომელიც 2004 წლიდან მოყოლებული კანის კინოფესტივალის ოფიციალური პარტნიორია, გადაწყვიტა, განსაკუთრებულად აღენიშნა ეს პრესტიჟული ღონისძიება და კონიაკის ახალი, ლიმიტირებული პარტია გამოუშვა. კლასიკური კონიაკი Rémy Martin VSOP, რომელიც 6-12 წლის დაძველების სპირტისგანაა დამზადებული, წითელ ბოთლებშია ჩამოსხმული და პალმის რტოს ლოგოტიპი ამშვენებს. ბაზარზე ამ კონიაკის სულ 2000 ბოთლი გამოვიდა, რომლებიც მხოლოდ მკაცრად განსაზღვრულ ადგილებში გაიყიდება, მაგალითად, ლოს ანჯელესის, პარიზის, მიუნხენის, დუბაისა და მოსკოვის აეროპორტებში.